تم نے شوخی دکھا کرمیراسٹائل کیوں کاپی کیا ؟ اب عدالت میں ہی ملیں گے ۔۔۔ دنیا کے معروف ترین ریسلر نے رنویرسنگھ کو ہائی وولٹج جھٹکا دے دیا

" >

ممبئی (ویب ڈیسک) بالی وڈ اسٹار رنویر سنگھ نے پاک بھارت میچ کو اولڈ ٹریفورڈ گراؤنڈ میں خوب انجوائے کیا لیکن انہیں یہ موج مستی سوشل میڈیا پر پوسٹ کرنا مہنگی پڑگئی۔رنویر سنگھ نے پاک بھارت میچ سے قبل آل راؤنڈر ہاردک پانڈیا کے ساتھ شغل کرتے ہوئے چند سیلفیاں بنائیں جسے سوشل میڈیا پر شیئر کیا۔

اداکار نے سیلفیاں شیئر کرتے ہوئے نامور امریکی ریسلر بروک ریسنرز کا کیپشن نقل کیا اور لکھا کہ ’ایٹ، سلیپ، ڈومینیٹ، ریپیٹ‘ جس کا نام ہے ہاردک ہاردک پانڈیا۔اس کیپشن کو نقل کرنا رنویر سنگھ کو اتنا مہنگا پڑا کہ امریکی ریسلر کے وکیل پول ہےمین نے انہیں قانونی نوٹس ہی بھیج دیا۔بعض رپورٹس کے مطابق کہا گیا کہ رنویر سنگھ کو ریسلر کے مینیجر کی جانب سے خبردار کیا گیا ہے جب کہ اس حوالے سے تردید کردی گئی ہے۔امریکی ریسلر کے وکیل پول ہےمین نے ٹوئٹر پیغام میں بتایا کہ میں نے خبردار نہیں کیا بلکہ کیپشن نقل کرنے پر قانونی نوٹس بھیجا ہے۔انہوں نے کہا کہ میں ریسلر بروک ریسنرز کا مینیجر نہیں بلکہ ان کا وکیل ہوں جب کہ انہوں نے ساتھ ہی اپنے آپ کو بہترین وکیل بھی قرار دیا۔اس سے قبل بھارتی کرکٹر مہندرا سنگھ دھونی نے بھی بروک ریسنرز کی مشہور لائنز اپنے کیپشن میں نقل کی تھیں جس پر بھی ریسلر کے وکیل نے بذریعہ ٹوئٹ ان پر تنقید کی تھی۔دوسری جانب بھارتی ڈبلیو ڈبلیو ای کے ریسلر سنیل اور سمیر سنگھ نے امریکی ریسلر اور ان کے وکیل ہےمین سے پوری بالی وڈ فلم نگری کی جانب سے معذرت کی ہے۔واضح رہے کہ رنویر سنگھ اس وقت لندن میں سابق بھارتی کرکٹر کپل دیو کی زندگی پر بننے والی بائیوپک فلم ’83‘ کی شوٹنگ میں مصروف ہیں، واضح رہے کہ کیپشن کو نقل کرنا رنویر سنگھ کو اتنا مہنگا پڑا کہ امریکی ریسلر کے وکیل پول ہےمین نے انہیں قانونی نوٹس ہی بھیج دیا۔